Χοηφóρoι

Strophe 1

ΧΟΡΟΣ

935ἔμολε μὲν δίκα Πριαμίδαις χρόνῳ,

936βαρύδικος ποινά·

937ἔμολε δʼ ἐς δόμον τὸν Ἀγαμέμνονος

938διπλοῦς λέων, διπλοῦς Ἄρης.

939ἔλασε δʼ ἐς τὸ πᾶν

940ὁ πυθόχρηστος φυγὰς

941θεόθεν εὖ φραδαῖσιν ὡρμημένος.

Ephymn 1

ΧΟΡΟΣ

942ἐπολολύξατʼ ὦ δεσποσύνων δόμων

943ἀναφυγᾶς κακῶν καὶ κτεάνων τριβᾶς

944ὑπαὶ δυοῖν μιαστόροιν,

945δυσοίμου τύχας.

Antistrophe 1

ΧΟΡΟΣ

946ἔμολε δʼ ᾧ μέλει κρυπταδίου μάχας

947δολιόφρων ποινά·

948ἔθιγε δʼ ἐν μάχᾳ χερὸς ἐτήτυμος

949Διὸς κόρα—Δίκαν δέ νιν

950προσαγορεύομεν βροτοὶ τυχόντες καλῶς—

951ὀλέθριον πνέουσʼ ἐν ἐχθροῖς κότον.

Ephymn 1

ΧΟΡΟΣ

942aἐπολολύξατʼ ὦ δεσποσύνων δόμων

943aἀναφυγᾶς κακῶν καὶ κτεάνων τριβᾶς

944aὑπαὶ δυοῖν μιαστόροιν,

945aδυσοίμου τύχας.

Strophe 2

ΧΟΡΟΣ

953τά περ ὁ Λοξίας ὁ Παρνασσίας

954μέγαν ἔχων μυχὸν χθονὸς ἐπωρθία-

955ξεν ἀδόλως δόλοις

956βλάβαν ἐγχρονισθεῖσαν ἐποίχεται.

957κρατεῖταί πως τὸ θεῖον παρὰ τὸ μὴ

958ὑπουργεῖν κακοῖς.

960ἄξια δʼ οὐρανοῦχον ἀρχὰν σέβειν.

Ephymn 2

ΧΟΡΟΣ

961πάρα τε φῶς ἰδεῖν

962μέγα τʼ ἀφῃρέθην ψάλιον οἰκέων.

963ἄναγε μὰν δόμοι· πολὺν ἄγαν χρόνον

964χαμαιπετεῖς ἔκεισθʼ ἀεί.

Antistrophe 2

ΧΟΡΟΣ

965τάχα δὲ παντελὴς χρόνος ἀμείψεται

966πρόθυρα δωμάτων, ὅταν ἀφʼ ἑστίας

967πᾶν ἐλαθῇ μύσος

968καθαρμοῖσιν ἀτᾶν ἐλατηρίοις.

969τύχαι δʼ εὐπροσωποκοῖται τὸ πᾶν

970ἰδεῖν πρευμενεῖς

971μετοίκοις δόμων πεσοῦνται πάλιν.

Ephymn 2

ΧΟΡΟΣ

972πάρα τε φῶς ἰδεῖν

962aμέγα τʼ ἀφῃρέθην ψάλιον οἰκέων.

963aἄναγε μὰν δόμοι· πολὺν ἄγαν χρόνον

964aχαμαιπετεῖς ἔκεισθʼ ἀεί.