Χοηφóρoι

Strophe 1

ὈΡΕΣΤΗΣ

315ὦ πάτερ αἰνόπατερ, τί σοι

316φάμενος ἢ τί ῥέξας

317τύχοιμʼ ἂν ἕκαθεν οὐρίσας,

318ἔνθα σʼ ἔχουσιν εὐναί,

319σκότῳ φάος ἀντίμοι-

320ρον; χάριτες δʼ ὁμοίως

321κέκληνται γόος εὐκλεὴς

322προσθοδόμοις Ἀτρείδαις.

Strophe 2

ΧΟΡΟΣ

323τέκνον, φρόνημα τοῦ

324θανόντος οὐ δαμάζει

325πυρὸς μαλερὰ γνάθος,

326φαίνει δʼ ὕστερον ὀργάς·

327ὀτοτύζεται δʼ ὁ θνῄσκων,

328ἀναφαίνεται δʼ ὁ βλάπτων.

329πατέρων τε καὶ τεκόντων

330γόος ἔνδικος ματεύει

331τὸ πᾶν ἀμφιλαφής ταραχθείς.

Antistrophe 1

ἨΛΕΚΤΡΑ

332κλῦθὶ νυν, ὦ πάτερ, ἐν μέρει

333πολυδάκρυτα πένθη.

334δίπαις τοί σʼ ἐπιτύμβιος

335θρῆνος ἀναστενάζει.

336τάφος δʼ ἱκέτας δέδεκται

337φυγάδας θʼ ὁμοίως.

338τί τῶνδʼ εὖ, τί δʼ ἄτερ κακῶν;

339οὐκ ἀτρίακτος ἄτα;

Anapests 4

ΧΟΡΟΣ

340ἀλλʼ ἔτʼ ἂν ἐκ τῶνδε θεὸς χρῄζων

341θείη κελάδους εὐφθογγοτέρους·

342ἀντὶ δὲ θρήνων ἐπιτυμβιδίων

343παιὰν μελάθροις ἐν βασιλείοις

344νεοκρᾶτα φίλον κομίσειεν.

Strophe 3

ὈΡΕΣΤΗΣ

345εἰ γὰρ ὑπʼ Ἰλίῳ

346πρός τινος Λυκίων, πάτερ,

347δορίτμητος κατηναρίσθης·

348λιπὼν ἂν εὔκλειαν ἐν δόμοισι

349τέκνων τʼ ἐν κελεύθοις

350ἐπιστρεπτὸν αἰῶ

351κτίσας πολύχωστον ἂν εἶχες

352τάφον διαποντίου γᾶς

353δώμασιν εὐφόρητον,

Antistrophe 2

ΧΟΡΟΣ

354φίλος φίλοισι τοῖς

355ἐκεῖ καλῶς θανοῦσιν

356κατὰ χθονὸς ἐμπρέπων

357σεμνότιμος ἀνάκτωρ,

358πρόπολός τε τῶν μεγίστων

359χθονίων ἐκεῖ τυράννων·

360βασιλεὺς γὰρ ἦσθʼ, ὄφρʼ ἔζης,

361μόριμον λάχος πιπλάντων

362χεροῖν πεισίβροτόν τε βάκτρον.

Antistrophe 3

ἨΛΕΚΤΡΑ

363μηδʼ ὑπὸ Τρωίας

364τείχεσι φθίμενος, πάτερ,

365μετʼ ἄλλῳ δουρικμῆτι λαῷ

366παρὰ Σκαμάνδρου πόρον τεθάφθαι.

367πάρος δʼ οἱ κτανόντες

368νιν οὕτως δαμῆναι

369φίλοις, θανατηφόρον αἶσαν

370πρόσω τινὰ πυνθάνεσθαι

371τῶνδε πόνων ἄπειρον.

Anapests 8

ΧΟΡΟΣ

372ταῦτα μέν, ὦ παῖ, κρείσσονα χρυσοῦ,

373μεγάλης δὲ τύχης καὶ ὑπερβορέου

374μείζονα φωνεῖς· δύνασαι γάρ.

375ἀλλὰ διπλῆς γὰρ τῆσδε μαράγνης

376δοῦπος ἱκνεῖται· τῶν μὲν ἀρωγοὶ

377κατὰ γῆς ἤδη, τῶν δὲ κρατούντων

378χέρες οὐχ ὅσιαι στυγερῶν τούτων·

379παισὶ δὲ μᾶλλον γεγένηται.

Strophe 4

ὈΡΕΣΤΗΣ

380τοῦτο διαμπερὲς οὖς

381ἵκεθʼ ἅπερ τι βέλος.

382Ζεῦ Ζεῦ, κάτωθεν ἀμπέμπων

383ὑστερόποινον ἄταν

384βροτῶν τλάμονι καὶ πανούργῳ

385χειρὶ—τοκεῦσι δʼ ὅμως τελεῖται.

Strophe 5

ΧΟΡΟΣ

386ἐφυμνῆσαι γένοιτό μοι πυκά-

387εντʼ ὀλολυγμὸν ἀνδρὸς

388θεινομένου, γυναικός τʼ

389ὀλλυμένας· τί γὰρ κεύθω φρενὸς οἷον ἔμπας

390ποτᾶται; πάροιθεν δὲ πρῴρας

391δριμὺς ἄηται κραδίας

392θυμὸς ἔγκοτον στύγος.

Antistrophe 4

ἨΛΕΚΤΡΑ

394καί πότʼ ἂν ἀμφιθαλὴς

395Ζεὺς ἐπὶ χεῖρα βάλοι,

396φεῦ φεῦ, κάρανα δαΐξας;

397πιστὰ γένοιτο χώρᾳ.

398δίκαν δʼ ἐξ ἀδίκων ἀπαιτῶ.

399κλῦτε δὲ Γᾶ χθονίων τε τιμαί.

Anapests 12

ΧΟΡΟΣ

400ἀλλὰ νόμος μὲν φονίας σταγόνας

401χυμένας ἐς πέδον ἄλλο προσαιτεῖν

402αἷμα. βοᾷ γὰρ λοιγὸς Ἐρινὺν

403παρὰ τῶν πρότερον φθιμένων ἄτην

404ἑτέραν ἐπάγουσαν ἐπʼ ἄτῃ.

Strophe 6

ὈΡΕΣΤΗΣ

405πόποι δὴ νερτέρων τυραννίδες,

406ἴδετε πολυκρατεῖς Ἀραὶ φθινομένων,

407ἴδεσθʼ Ἀτρειδᾶν τὰ λοίπʼ ἀμηχάνως

408ἔχοντα καὶ δωμάτων

409ἄτιμα. πᾷ τις τράποιτʼ ἄν, ὦ Ζεῦ;

Antistrophe 5

ΧΟΡΟΣ

410πέπαλται δαὖτὲ μοι φίλον κέαρ

411τόνδε κλύουσαν οἶκτον

412καὶ τότε μὲν δύσελπις,

413σπλάγχνα δέ μοι κελαινοῦ-

414ται πρὸς ἔπος κλυούσᾳ.

415ὅταν δʼ αὖτʼ ἐπʼ ἀλκῆς ἐπάρῃ μʼ

416ἐλπὶς, ἀπέστασεν ἄχος

417προσφανεῖσά μοι καλῶς.

Antistrophe 6

ἨΛΕΚΤΡΑ

418τί δʼ ἂν φάντες τύχοιμεν ἢ τά περ

419πάθομεν ἄχεα πρός γε τῶν τεκομένων;

420πάρεστι σαίνειν, τὰ δʼ οὔτι θέλγεται.

421λύκος γὰρ ὥστʼ ὠμόφρων

422ἄσαντος ἐκ ματρός ἐστι θυμός.

Strophe 7

ΧΟΡΟΣ

423ἔκοψα κομμὸν Ἄριον ἔν τε Κισσίας

424νόμοις ἰηλεμιστρίας,

425ἀπριγδόπληκτα πολυπλάνητα δʼ ἦν ἰδεῖν

426ἐπασσυτεροτριβῆ τὰ χερὸς ὀρέγματα

427ἄνωθεν ἀνέκαθεν, κτύπῳ δʼ ἐπερρόθει

428κροτητὸν ἀμὸν καὶ πανάθλιον κάρα.

Strophe 8

ἨΛΕΚΤΡΑ

429ἰὼ δαΐα

430πάντολμε μᾶτερ, δαΐαις ἐν ἐκφοραῖς

431ἄνευ πολιτᾶν ἄνακτʼ,

432ἄνευ δὲ πενθημάτων

433ἔτλας ἀνοίμωκτον ἄνδρα θάψαι.

Strophe 9

ὈΡΕΣΤΗΣ

434τὸ πᾶν ἀτίμως ἔλεξας, οἴμοι.

435πατρὸς δʼ ἀτίμωσιν ἆρα τείσει

436ἕκατι μὲν δαιμόνων,

437ἕκατι δʼ ἀμᾶν χερῶν;

438ἔπειτʼ ἐγὼ νοσφίσας ὀλοίμαν.

Antistrophe 9

ΧΟΡΟΣ

439ἐμασχαλίσθη δέ γʼ, ὡς τόδʼ εἰδῇς·

440ἔπρασσε δʼ, ᾇπέρ νιν ὧδε θάπτει,

441μόρον κτίσαι μωμένα

442ἄφερτον αἰῶνι σῷ.

443κλύεις πατρῴους δύας ἀτίμους.

Antistrophe 7

ἨΛΕΚΤΡΑ

445λέγεις πατρῷον μόρον· ἐγὼ δʼ ἀπεστάτουν

446ἄτιμος, οὐδὲν ἀξία·

447μυχῷ δʼ ἄφερκτος πολυσινοῦς κυνὸς δίκαν

448ἑτοιμότερα γέλωτος ἀνέφερον λίβη,

449χέουσα πολύδακρυν γόον κεκρυμμένα.

450τοιαῦτʼ ἀκούων ἐν φρεσὶν γράφου ˘ ¯.

Antistrophe 8

ΧΟΡΟΣ

451διʼ ὤτων δὲ συν-

452τέτραινε μῦθον ἡσύχῳ φρενῶν βάσει.

453τὰ μὲν γὰρ οὕτως ἔχει,

454τὰ δʼ αὐτὸς ὄργα μαθεῖν.

455πρέπει δʼ ἀκάμπτῳ μένει καθήκειν.

Strophe 10

ὈΡΕΣΤΗΣ

456σὲ τοι λέγω, ξυγγενοῦ, πάτερ, φίλοις.

ἨΛΕΚΤΡΑ

457ἐγὼ δʼ ἐπιφθέγγομαι κεκλαυμένα.

ΧΟΡΟΣ

458στάσις δὲ πάγκοινος ἅδʼ ἐπιρροθεῖ·

459ἄκουσον ἐς φάος μολών,

460ξὺν δὲ γενοῦ πρὸς ἐχθρούς.

Antistrophe 10

ὈΡΕΣΤΗΣ

461Ἄρης Ἄρει ξυμβαλεῖ, Δίκᾳ Δίκα.

ἨΛΕΚΤΡΑ

462ἰὼ θεοί, κραίνετʼ ἐνδίκως δίκας.

ΧΟΡΟΣ

463τρόμος μʼ ὑφέρπει κλύουσαν εὐγμάτων.

464τὸ μόρσιμον μένει πάλαι,

465εὐχομένοις δʼ ἂν ἔλθοι.

Strophe 11

ΧΟΡΟΣ

466ὦ πόνος ἐγγενὴς

467…