Χοηφóρoι

Episode 3

ἨΛΕΚΤΡΑ

84δμωαὶ γυναῖκες, δωμάτων εὐθήμονες,

85ἐπεὶ πάρεστε τῆσδε προστροπῆς ἐμοὶ

86πομποί, γένεσθε τῶνδε σύμβουλοι πέρι·

87τί φῶ χέουσα τάσδε κηδείους χοάς;

88πῶς εὔφρονʼ εἴπω, πῶς κατεύξομαι πατρί;

89πότερα λέγουσα παρὰ φίλης φίλῳ φέρειν

90γυναικὸς ἀνδρί, τῆς ἐμῆς μητρὸς πάρα;

91τῶνδʼ οὐ πάρεστι θάρσος, οὐδʼ ἔχω τί φῶ,

92χέουσα τόνδε πέλανον ἐν τύμβῳ πατρός.

93ἢ τοῦτο φάσκω τοὔπος, ὡς νόμος βροτοῖς,

94ἔσθλʼ ἀντιδοῦναι τοῖσι πέμπουσιν τάδε

95στέφη, δόσιν γε τῶν κακῶν ἐπαξίαν;

96ἢ σῖγʼ ἀτίμως, ὥσπερ οὖν ἀπώλετο

97πατήρ, τάδʼ ἐκχέασα, γάποτον χύσιν,

98στείχω καθάρμαθʼ ὥς τις ἐκπέμψας πάλιν

99δικοῦσα τεῦχος ἀστρόφοισιν ὄμμασιν;

100τῆσδʼ ἐστὲ βουλῆς, ὦ φίλαι, μεταίτιαι·

101κοινὸν γὰρ ἔχθος ἐν δόμοις νομίζομεν.

102μὴ κεύθετʼ ἔνδον καρδίας φόβῳ τινός.

103τὸ μόρσιμον γὰρ τόν τʼ ἐλεύθερον μένει

104καὶ τὸν πρὸς ἄλλης δεσποτούμενον χερός.

105λέγοις ἄν, εἴ τι τῶνδʼ ἔχοις ὑπέρτερον.

ΧΟΡΟΣ

106αἰδουμένη σοι βωμὸν ὡς τύμβον πατρὸς

107λέξω, κελεύεις γάρ, τὸν ἐκ φρενὸς λόγον.

ἨΛΕΚΤΡΑ

108λέγοις ἄν, ὥσπερ ᾐδέσω τάφον πατρός.

ΧΟΡΟΣ

109φθέγγου χέουσα κεδνὰ τοῖσιν εὔφροσιν.

ἨΛΕΚΤΡΑ

110τίνας δὲ τούτους τῶν φίλων προσεννέπω;

ΧΟΡΟΣ

111πρῶτον μὲν αὑτὴν χὤστις Αἴγισθον στυγεῖ.

ἨΛΕΚΤΡΑ

112ἐμοί τε καὶ σοί τἄρʼ ἐπεύξομαι τάδε;

ΧΟΡΟΣ

113αὐτὴ σὺ ταῦτα μανθάνουσʼ ἤδη φράσαι.

ἨΛΕΚΤΡΑ

114τίνʼ οὖν ἔτʼ ἄλλον τῇδε προστιθῶ στάσει;

ΧΟΡΟΣ

115μέμνησʼ Ὀρέστου, κεἰ θυραῖός ἐσθʼ ὅμως.

ἨΛΕΚΤΡΑ

116εὖ τοῦτο, κἀφρένωσας οὐχ ἥκιστά με.

ΧΟΡΟΣ

117τοῖς αἰτίοις νῦν τοῦ φόνου μεμνημένη—

ἨΛΕΚΤΡΑ

118τί φῶ; δίδασκʼ ἄπειρον ἐξηγουμένη.

ΧΟΡΟΣ

119ἐλθεῖν τινʼ αὐτοῖς δαίμονʼ ἢ βροτῶν τινα—

ἨΛΕΚΤΡΑ

120πότερα δικαστὴν ἢ δικηφόρον λέγεις;

ΧΟΡΟΣ

121ἅπλῶς τι φράζουσʼ, ὅστις ἀνταποκτενεῖ.

ἨΛΕΚΤΡΑ

122καὶ ταῦτά μοὐστὶν εὐσεβῆ θεῶν πάρα;

ΧΟΡΟΣ

123πῶς δʼ οὐ τὸν ἐχθρὸν ἀνταμείβεσθαι κακοῖς;

ἨΛΕΚΤΡΑ

124κῆρυξ μέγιστε τῶν ἄνω τε καὶ κάτω,

124aἄρηξον, Ἑρμῆ χθόνιε, κηρύξας ἐμοὶ

125τοὺς γῆς ἔνερθε δαίμονας κλύειν ἐμὰς

126εὐχάς, πατρῴων δωμάτων ἐπισκόπους,

127καὶ Γαῖαν αὐτήν, ἣ τὰ πάντα τίκτεται,

128θρέψασά τʼ αὖθις τῶνδε κῦμα λαμβάνει·

129κἀγὼ χέουσα τάσδε χέρνιβας βροτοῖς

130λέγω καλοῦσα πατέρʼ, ἐποίκτιρόν τʼ ἐμὲ

131φίλον τʼ Ὀρέστην· πῶς ἀνάξομεν δόμοις;

132πεπραμένοι γὰρ νῦν γέ πως ἀλώμεθα

133πρὸς τῆς τεκούσης, ἄνδρα δʼ ἀντηλλάξατο

134Αἴγισθον, ὅσπερ σοῦ φόνου μεταίτιος.

135κἀγὼ μὲν ἀντίδουλος· ἐκ δὲ χρημάτων

136φεύγων Ὀρέστης ἐστίν, οἱ δʼ ὑπερκόπως

137ἐν τοῖσι σοῖς πόνοισι χλίουσιν μέγα.

138ἐλθεῖν δʼ Ὀρέστην δεῦρο σὺν τύχῃ τινὶ

139κατεύχομαί σοι, καὶ σὺ κλῦθί μου, πάτερ·

140αὐτῇ τέ μοι δὸς σωφρονεστέραν πολὺ

141μητρὸς γενέσθαι χεῖρά τʼ εὐσεβεστέραν.

142ἡμῖν μὲν εὐχὰς τάσδε, τοῖς δʼ ἐναντίοις

143λέγω φανῆναί σου, πάτερ, τιμάορον,

144καὶ τοὺς κτανόντας ἀντικατθανεῖν δίκῃ.

145ταῦτʼ ἐν μέσῳ τίθημι τῆς καλῆς ἀρᾶς,

146κείνοις λέγουσα τήνδε τὴν κακὴν ἀράν·

147ἡμῖν δὲ πομπὸς ἴσθι τῶν ἐσθλῶν ἄνω,

148σὺν θεοῖσι καὶ γῇ καὶ δίκῃ νικηφόρῳ.

149τοιαῖσδʼ ἐπʼ εὐχαῖς τάσδʼ ἐπισπένδω χοάς.

150ὑμᾶς δὲ κωκυτοῖς ἐπανθίζειν νόμος,

151παιᾶνα τοῦ θανόντος ἐξαυδωμένας.

ΧΟΡΟΣ

152ἵετε δάκρυ καναχὲς ὀλόμενον

153ὀλομένῳ δεσπότᾳ

154πρὸς ἔρυμα τόδε κακῶν, κεδνῶν τʼ

155ἀπότροπον ἄγος ἀπεύχετον

156κεχυμένων χοᾶν. κλύε δέ μοι, κλύε, σέ-

157βας ὦ δέσποτʼ, ἐξ ἀμαυρᾶς φρενός.

158ὀτοτοτοτοτοτοτοῖ,

159ἴτω τις δορυ-

160σθενὴς ἀνήρ, ἀναλυτὴρ δόμων,

161Σκυθικά τʼ ἐν χεροῖν παλίντονʼ

162ἐν ἔργῳ βέλη ʼπιπάλλων Ἄρης

163σχέδιά τʼ αὐτόκωπα νωμῶν ξίφη.

ἨΛΕΚΤΡΑ

164ἔχει μὲν ἤδη γαπότους χοὰς πατήρ·

165νέου δὲ μύθου τοῦδε κοινωνήσατε·

ΧΟΡΟΣ

166λέγοις ἄν· ὀρχεῖται δὲ καρδία φόβῳ.

ἨΛΕΚΤΡΑ

167ὁρῶ τομαῖον τόνδε βόστρυχον τάφῳ.

ΧΟΡΟΣ

168τίνος ποτʼ ἀνδρός, ἢ βαθυζώνου κόρης;

ἨΛΕΚΤΡΑ

170εὐξύμβολον τόδʼ ἐστὶ παντὶ δοξάσαι.

ΧΟΡΟΣ

171πῶς οὖν; παλαιὰ παρὰ νεωτέρας μάθω.

ἨΛΕΚΤΡΑ

172οὐκ ἔστιν ὅστις πλὴν ἐμοῦ κείραιτό νιν.

ΧΟΡΟΣ

173ἐχθροὶ γὰρ οἷς προσῆκε πενθῆσαι τριχί.

ἨΛΕΚΤΡΑ

174καὶ μὴν ὅδʼ ἐστὶ κάρτʼ ἰδεῖν ὁμόπτερος—

ΧΟΡΟΣ

175ποίαις ἐθείραις; τοῦτο γὰρ θέλω μαθεῖν.

ἨΛΕΚΤΡΑ

176αὐτοῖσιν ἡμῖν κάρτα προσφερὴς ἰδεῖν.

ΧΟΡΟΣ

177μῶν οὖν Ὀρέστου κρύβδα δῶρον ἦν τόδε;

ἨΛΕΚΤΡΑ

178μάλιστʼ ἐκείνου βοστρύχοις προσείδεται.

ΧΟΡΟΣ

179καὶ πῶς ἐκεῖνος δεῦρʼ ἐτόλμησεν μολεῖν;

ἨΛΕΚΤΡΑ

180ἔπεμψε χαίτην κουρίμην χάριν πατρός.

ΧΟΡΟΣ

181οὐχ ἧσσον εὐδάκρυτά μοι λέγεις τάδε,

182εἰ τῆσδε χώρας μήποτε ψαύσει ποδί.

ἨΛΕΚΤΡΑ

183κἀμοὶ προσέστη καρδίας κλυδώνιον

184χολῆς, ἐπαίσθην δʼ ὡς διανταίῳ βέλει·

185ἐξ ὀμμάτων δὲ δίψιοι πίπτουσί μοι

186σταγόνες ἄφρακτοι δυσχίμου πλημμυρίδος,

187πλόκαμον ἰδούσῃ τόνδε· πῶς γὰρ ἐλπίσω

188ἀστῶν τινʼ ἄλλον τῆσδε δεσπόζειν φόβης;

189ἀλλʼ οὐδὲ μήν νιν ἡ κτανοῦσʼ ἐκείρατο,

190ἐμὴ δὲ μήτηρ, οὐδαμῶς…

191φρόνη…