Οἰδίπους Τύραννος

Strophe 1

ΧΟΡΟΣ

649πιθοῦ θελήσας φρονήσας τʼ, ἄναξ, λίσσομαι.

ΟἸΔΙΠΟΥΣ

650τί σοι θέλεις δῆτʼ εἰκάθω;

ΧΟΡΟΣ

651τὸν οὔτε πρὶν νήπιον νῦν τʼ ἐν ὅρκῳ μέγαν καταίδεσαι.

ΟἸΔΙΠΟΥΣ

652οἶσθʼ οὖν ἃ χρῄζεις;

ΧΟΡΟΣ

653οἶδα.

ΟἸΔΙΠΟΥΣ

654φράζε δὴ τί φής.

ΧΟΡΟΣ

655τὸν ἐναγῆ φίλον μήποτʼ ἐν αἰτίᾳ

656σὺν ἀφανεῖ λόγῳ σʼ ἄτιμον βαλεῖν.

ΟἸΔΙΠΟΥΣ

657εὖ νυν ἐπίστω, ταῦθʼ ὅταν ζητῇς, ἐμοὶ

658ζητῶν ὄλεθρον ἢ φυγὴν ἐκ τῆσδε γῆς.

Strophe 2

ΧΟΡΟΣ

660οὐ τὸν πάντων θεῶν θεὸν πρόμον

661Ἅλιον· ἐπεὶ ἄθεος ἄφιλος ὅ τι πύματον

662ὀλοίμαν, φρόνησιν εἰ τάνδʼ ἔχω.

665ἀλλά μοι δυσμόρῳ γᾶ φθινὰς

666τρύχει ψυχάν, τάδʼ εἰ κακοῖς κακὰ

667προσάψει τοῖς πάλαι τὰ πρὸς σφῷν.

ΟἸΔΙΠΟΥΣ

668ὁ δʼ οὖν ἴτω, κεἰ χρή με παντελῶς θανεῖν

670ἢ γῆς ἄτιμον τῆσδʼ ἀπωσθῆναι βίᾳ.

671τὸ γὰρ σόν, οὐ τὸ τοῦδʼ, ἐποικτίρω στόμα

672ἐλεινόν· οὗτος δʼ ἔνθʼ ἂν ᾖ στυγήσεται.

ΚΡΕΩΝ

673στυγνὸς μὲν εἴκων δῆλος εἶ, βαρὺς δʼ, ὅταν

674θυμοῦ περάσῃς· αἱ δὲ τοιαῦται φύσεις

675αὑταῖς δικαίως εἰσὶν ἄλγισται φέρειν.

ΟἸΔΙΠΟΥΣ

676οὔκουν μʼ ἐάσεις κἀκτὸς εἶ;

ΚΡΕΩΝ

677πορεύσομαι,

678σοῦ μὲν τυχὼν ἀγνῶτος, ἐν δὲ τοῖσδʼ ἴσος.

Antistrophe 1

ΧΟΡΟΣ

679γύναι, τί μέλλεις κομίζειν δόμων τόνδʼ ἔσω;

ἸΟΚΑΣΤΗ

680μαθοῦσά γʼ ἥτις ἡ τύχη.

ΧΟΡΟΣ

681δόκησις ἀγνὼς λόγων ἦλθε, δάπτει δὲ καὶ τὸ μὴ ʼνʼδικον.

ἸΟΚΑΣΤΗ

682ἀμφοῖν ἀπʼ αὐτοῖν;

ΧΟΡΟΣ

683ναίχι.

ἸΟΚΑΣΤΗ

684καὶ τίς ἦν λόγος;

ΧΟΡΟΣ

685ἅλις ἔμοιγʼ, ἅλις, γᾶς προπονουμένας,

686φαίνεται ἔνθʼ ἔληξεν αὐτοῦ μένειν.

ΟἸΔΙΠΟΥΣ

687ὁρᾷς ἵνʼ ἥκεις, ἀγαθὸς ὢν γνώμην ἀνήρ,

688τοὐμὸν παριεὶς καὶ καταμβλύνων κέαρ;

Antistrophe 2

ΧΟΡΟΣ

690ὦναξ, εἶπον μὲν οὐχ ἅπαξ μόνον,

691ἴσθι δὲ παραφρόνιμον, ἄπορον ἐπὶ φρόνιμα

692πεφάνθαι μʼ ἄν, εἴ σʼ ἐνοσφιζόμαν,

693ὅς τʼ ἐμὰν γᾶν φίλαν ἐν πόνοις

695ἀλύουσαν κατʼ ὀρθὸν οὔρισας,

696τανῦν τʼ εὔπομπος, ἂν γένοιο.

ἸΟΚΑΣΤΗ

697πρὸς θεῶν δίδαξον κἄμʼ, ἄναξ, ὅτου ποτὲ

698μῆνιν τοσήνδε πράγματος στήσας ἔχεις.