Χοηφóρoι

Strophe 1

ΧΟΡΟΣ

783νῦν παραιτουμένᾳ μοι, πάτερ

784Ζεῦ θεῶν Ὀλυμπίων,

785δὸς τύχας εὖ τυχεῖν κυρίως

786τὰ σώφρον᾽ εὖ μαιομένοις ἰδεῖν.

787διὰ δίκας πᾶν ἔπος

788ἔλακον, ὦ Ζεῦ, σύ νιν φυλάσσοις.

Ephymnion 1

ΧΟΡΟΣ

789ἐέ, πρὸ δὲ δὴ ᾽χθρῶν

790τὸν ἔσωθεν μελάθρων, Ζεῦ,

791θές, ἐπεί νιν μέγαν ἄρας,

792δίδυμα καὶ τριπλᾶ

793παλίμποινα θέλων ἀμείψει.

Antistrophe 1

ΧΟΡΟΣ

794ἴσθι δ᾽ ἀνδρὸς φίλου πῶλον εὖ-

795νιν ζυγέντ᾽ ἐν ἅρμασιν

796πημάτων, ἐν δρόμῳ προστιθεὶς

797μέτρον. τίς ἂν σῳζόμενον ῥυθμὸν

798τοῦτ᾽ ἴδοι διὰ πέδον

799ἀνομένων βημάτων ὄρεγμα;

Strophe 2

ΧΟΡΟΣ

800οἵ τ᾽ ἔσω δωμάτων

801πλουτογαθῆ μυχὸν ἐνίζετε,

802κλῦτε, σύμφρονες θεοί:

803[ἄγετε] τῶν πάλαι πεπραγμένων

804λύσασθ᾽ αἷμα προσφάτοις δίκαις.

805γέρων φόνος μηκέτ᾽ ἐν δόμοις τέκοι.

Ephymnion 2

ΧΟΡΟΣ

806τὸ δὲ καλῶς κτίμενον ὦ μέγα ναίων

807στόμιον, εὖ δὸς ἀνιδεῖν δόμον ἀνδρός,

808καί νιν ἐλευθερίας φῶς

809λαμπρὸν ἰδεῖν φιλίοις

810ὄμμασιν <ἐκ> δνοφερᾶς καλύπτρας.

Antistrophe 2

ΧΟΡΟΣ

811ξυλλάβοι δ᾽ ἐνδίκως

812παῖς ὁ Μαίας, ἐπιφορώτατος

813πρᾶξιν οὐρίαν θέλων:

815[πολλὰ δ᾽ ἄλλα φανεῖ χρηίζων κρυπτά].

816ἄσκοπον δ᾽ ἔπος λέγω:

817νύκτα πρό τ᾽ ὀμμάτων σκότον φέρει,

818καθ᾽ ἡμέραν δ᾽ οὐδὲν ἐμφανέστερος.

Strophe 3

ΧΟΡΟΣ

819καὶ τότ᾽ ἤδη κλυτὸν

820δωμάτων λυτήριον,

821θῆλυν οὐριοστάταν

822†ὁμοῦ κρεκτον γοα-

823τὰν νόμον μεθήσομεν.

824πόλει τάδ᾽ εὖ:

825ἐμὸν ἐμὸν κέρδος αὔξεται τόδ᾽: ἄ-

826τα δ᾽ ἀποστατεῖ φίλων†.

Ephymnion 3

ΧΟΡΟΣ

827σὺ δὲ θαρσῶν, ὅταν ἥκῃ μέρος ἔργων,

828ἐπαΰσας Πατρὸς αὐδὰν

829θροούσᾳ [πρὸς σὲ] Τέκνον [πατρὸς αὐδὰν]

830[καὶ] πέραιν᾽ ἀνεπίμομφον ἄταν.

Antistrophe 3

ΧΟΡΟΣ

831Περσέως τ᾽ ἐν φρεσὶν

832καρδίαν ἀνασχεθών,

833τοῖς θ᾽ ὑπὸ χθονὸς φίλοις,

834†τοῖς τ᾽ ἄνωθεν προπάσσων

835χάριτας ὀργᾶς λυγρᾶς, ἔνδοθεν

836φόνιαν ἄταν τίθει, τὸν αἴτιον δ᾽

837ἐξαπολλύων μόρου†.