Ἀγαμέμνων

Strophe 1

ΚΑΣΑΝΔΡΑ

1072ὀτοτοτοτοῖ πόποι δᾶ.

1073ὦπολλον ὦπολλον.

ΧΟΡΟΣ

1074τί ταῦτ᾽ ἀνωτότυξας ἀμφὶ Λοξίου;

1075οὐ γὰρ τοιοῦτος ὥστε θρηνητοῦ τυχεῖν.

Antistrophe 1

ΚΑΣΑΝΔΡΑ

1076ὀτοτοτοτοῖ πόποι δᾶ.

1077ὦπολλον ὦπολλον.

ΧΟΡΟΣ

1078ἡ δ᾽ αὖτε δυσφημοῦσα τὸν θεὸν καλεῖ

1079οὐδὲν προσήκοντ᾽ ἐν γόοις παραστατεῖν.

Strophe 2

ΚΑΣΑΝΔΡΑ

1080Ἄπολλον Ἄπολλον

1081ἀγυιᾶτ᾽, ἀπόλλων ἐμός.

1082ἀπώλεσας γὰρ οὐ μόλις τὸ δεύτερον.

ΧΟΡΟΣ

1083χρήσειν ἔοικεν ἀμφὶ τῶν αὑτῆς κακῶν.

1084μένει τὸ θεῖον δουλίᾳ περ ἐν φρενί.

Antistrophe 2

ΚΑΣΑΝΔΡΑ

1085Ἄπολλον Ἄπολλον

1086ἀγυιᾶτ᾽, ἀπόλλων ἐμός.

1087ἆ ποῖ ποτ᾽ ἤγαγές με; πρὸς ποίαν στέγην;

ΧΟΡΟΣ

1088πρὸς τὴν Ἀτρειδῶν: εἰ σὺ μὴ τόδ᾽ ἐννοεῖς,

1089ἐγὼ λέγω σοι: καὶ τάδ᾽ οὐκ ἐρεῖς ψύθη.

Strophe 3

ΚΑΣΑΝΔΡΑ

1090μισόθεον μὲν οὖν, πολλὰ συνίστορα

1091αὐτόφονα κακὰ καὶ ἀρτάνας,

1092ἀνδρὸς σφαγεῖον καὶ πέδον ῥαντήριον.

ΧΟΡΟΣ

1093ἔοικεν εὔρις ἡ ξένη κυνὸς δίκην

1094εἶναι, ματεύει δ᾽ ὧν ἀνευρήσει φόνον.

Antistrophe 3

ΚΑΣΑΝΔΡΑ

1095μαρτυρίοισι γὰρ τοῖσδ᾽ ἐπιπείθομαι:

1096κλαιόμενα τάδε βρέφη σφαγάς,

1097ὀπτάς τε σάρκας πρὸς πατρὸς βεβρωμένας.

ΧΟΡΟΣ

1098ἦμεν κλέος σοῦ μαντικὸν πεπυσμένοι:

1099τούτων προφήτας δ᾽ οὔτινας ματεύομεν.

Strophe 4

ΚΑΣΑΝΔΡΑ

1100ἰὼ πόποι, τί ποτε μήδεται;

1101τί τόδε νέον ἄχος μέγα

1102μέγ᾽ ἐν δόμοισι τοῖσδε μήδεται κακὸν

1103ἄφερτον φίλοισιν, δυσίατον; ἀλκὰ δ᾽

1104ἑκὰς ἀποστατεῖ.

ΧΟΡΟΣ

1105τούτων ἄιδρίς εἰμι τῶν μαντευμάτων.

1106ἐκεῖνα δ᾽ ἔγνων: πᾶσα γὰρ πόλις βοᾷ.

Antistrophe 4

ΚΑΣΑΝΔΡΑ

1107ἰὼ τάλαινα, τόδε γὰρ τελεῖς,

1108τὸν ὁμοδέμνιον πόσιν

1109λουτροῖσι φαιδρύνασα—πῶς φράσω τέλος;

1110τάχος γὰρ τόδ᾽ ἔσται: προτείνει δὲ χεὶρ ἐκ

1111χερὸς ὀρέγματα.

ΧΟΡΟΣ

1112οὔπω ξυνῆκα: νῦν γὰρ ἐξ αἰνιγμάτων

1113ἐπαργέμοισι θεσφάτοις ἀμηχανῶ.

Strophe 5

ΚΑΣΑΝΔΡΑ

1114ἒ ἔ, παπαῖ παπαῖ, τί τόδε φαίνεται;

1115ἦ δίκτυόν τι [γ᾽] Ἅιδου;

1116ἀλλ᾽ ἄρκυς ἡ ξύνευνος, ἡ ξυναιτία

1117φόνου. στάσις δ᾽ ἀκόρετος γένει

1118κατολολυξάτω θύματος λευσίμου.

ΧΟΡΟΣ

1119ποίαν Ἐρινὺν τήνδε δώμασιν κέλει

1120ἐπορθιάζειν; οὔ με φαιδρύνει λόγος.

1121ἐπὶ δὲ καρδίαν ἔδραμε κροκοβαφὴς

1122σταγών, ἅτε καιρία πτώσιμος

1123ξυνανύτει βίου δύντος αὐγαῖς.

1124ταχεῖα δ᾽ ἄτα πέλει.

Antistrophe 5

ΚΑΣΑΝΔΡΑ

1125ἂ ἄ, ἰδοὺ ἰδού: ἄπεχε τῆς βοὸς

1126τὸν ταῦρον: ἐν πέπλοισι

1127μελαγκέρῳ λαβοῦσα μηχανήματι

1128τύπτει: πίτνει δ᾽ <ἐν> ἐνύδρῳ τεύχει.

1129δολοφόνου λέβητος τύχαν σοι λέγω.

ΧΟΡΟΣ

1130οὐ κομπάσαιμ᾽ ἂν θεσφάτων γνώμων ἄκρος

1131εἶναι, κακῷ δέ τῳ προσεικάζω τάδε.

1132ἀπὸ δὲ θεσφάτων τίς ἀγαθὰ φάτις

1133βροτοῖς στέλλεται; κακῶν γὰρ διαὶ

1134πολυεπεῖς τέχναι θεσπιῳδὸν

1135φόβον φέρουσιν μαθεῖν.

Strophe 6

ΚΑΣΑΝΔΡΑ

1136ἰὼ ἰὼ ταλαίνας κακόποτμοι τύχαι:

1137τὸ γὰρ ἐμὸν θροῶ πάθος ἐπεγχέαι.

1138ποῖ δή με δεῦρο τὴν τάλαιναν ἤγαγες;

1139οὐδέν ποτ᾽ εἰ μὴ ξυνθανουμένην. τί γάρ;

ΧΟΡΟΣ

1140φρενομανής τις εἶ θεοφόρητος, ἀμ-

1141φὶ δ᾽ αὑτᾶς θροεῖς

1142νόμον ἄνομον, οἷά τις ξουθὰ

1143ἀκόρετος βοᾶς, φεῦ, ταλαίναις φρεσὶν

1144Ἴτυν Ἴτυν στένουσ᾽ ἀμφιθαλῆ κακοῖς

1145ἀηδὼν βίον.

Antistrophe 6

ΚΑΣΑΝΔΡΑ

1146ἰὼ ἰὼ λιγείας μόρον ἀηδόνος:

1147περίβαλον γάρ οἱ πτεροφόρον δέμας

1148θεοὶ γλυκύν τ᾽ αἰῶνα κλαυμάτων ἄτερ:

1149ἐμοὶ δὲ μίμνει σχισμὸς ἀμφήκει δορί.

ΧΟΡΟΣ

1150πόθεν ἐπισσύτους θεοφόρους τ᾽ ἔχεις

1151ματαίους δύας,

1152τὰ δ᾽ ἐπίφοβα δυσφάτῳ κλαγγᾷ

1153μελοτυπεῖς ὁμοῦ τ᾽ ὀρθίοις ἐν νόμοις;

1154πόθεν ὅρους ἔχεις θεσπεσίας ὁδοῦ

1155κακορρήμονας;

Strophe 7

ΚΑΣΑΝΔΡΑ

1156ἰὼ γάμοι γάμοι Πάριδος ὀλέθριοι φίλων.

1157ἰὼ Σκαμάνδρου πάτριον ποτόν.

1158τότε μὲν ἀμφὶ σὰς ἀιόνας τάλαιν᾽

1159ἠνυτόμαν τροφαῖς:

1160νῦν δ᾽ ἀμφὶ Κωκυτόν τε κἀχερουσίους

1161ὄχθας ἔοικα θεσπιῳδήσειν τάχα.

ΧΟΡΟΣ

1162τί τόδε τορὸν ἄγαν ἔπος ἐφημίσω;

1163νεόγονος ἂν ἀίων μάθοι.

1164πέπληγμαι δ᾽ ὑπαὶ δάκει φοινίῳ

1165δυσαλγεῖ τύχᾳ μινυρὰ [κακὰ] θρεομένας,