Ἀγαμέμνων

Strophe 1

ΧΟΡΟΣ

367Διὸς πλαγὰν ἔχουσιν εἰπεῖν,

368πάρεστιν τοῦτό γ᾽ ἐξιχνεῦσαι.

369ἔπραξαν ὡς ἔκρανεν. οὐκ ἔφα τις

370θεοὺς βροτῶν ἀξιοῦσθαι μέλειν

371ὅσοις ἀθίκτων χάρις

372πατοῖθ᾽: ὁ δ᾽ οὐκ εὐσεβής.

373πέφανται δ᾽ ἐκτίνου-

375σα τόλμα τῶν Ἄρη

376πνεόντων μεῖζον ἢ δικαίως,

377φλεόντων δωμάτων ὑπέρφευ

378ὑπὲρ τὸ βέλτιστον. ἔστω δ᾽ ἀπή-

379μαντον, ὥστ᾽ ἀπαρκεῖν

380εὖ πραπίδων λαχόντα.

381οὐ γὰρ ἔστιν ἔπαλξις

382πλούτου πρὸς κόρον ἀνδρὶ

383λακτίσαντι μέγαν Δίκας

384βωμὸν εἰς ἀφάνειαν.

Antistrophe 1

ΧΟΡΟΣ

385βιᾶται δ᾽ ἁ τάλαινα πειθώ,

386προβούλου παῖς ἄφερτος ἄτας.

387ἄκος δὲ πᾶν μάταιον. οὐκ ἐκρύφθη,

388πρέπει δέ, φῶς αἰνολαμπές, σίνος:

390κακοῦ δὲ χαλκοῦ τρόπον

391τρίβῳ τε καὶ προσβολαῖς

392μελαμπαγὴς πέλει

393δικαιωθείς, ἐπεὶ

394διώκει παῖς ποτανὸν ὄρνιν,

395πόλει πρόστριμμ᾽ ἄφερτον ἐνθείς.

396λιτᾶν δ᾽ ἀκούει μὲν οὔτις θεῶν:

397τὸν δ᾽ ἐπίστροφον τῶν

398φῶτ᾽ ἄδικον καθαιρεῖ.

399οἷος καὶ Πάρις ἐλθὼν

400ἐς δόμον τὸν Ἀτρειδᾶν

401ᾔσχυνε ξενίαν τράπε-

402ζαν κλοπαῖσι γυναικός.

Strophe 2

ΧΟΡΟΣ

403λιποῦσα δ᾽ ἀστοῖσιν ἀσπίστοράς

404τε καὶ κλόνους λογχίμους

405ναυβάτας <θ᾽> ὁπλισμούς,

406ἄγουσά τ᾽ ἀντίφερνον Ἰλίῳ φθορὰν

407βέβακεν ῥίμφα διὰ πυλᾶν

408ἄτλητα τλᾶσα: πολλὰ δ᾽ ἔστενον

409τόδ᾽ ἐννέποντες δόμων προφῆται:

410“ἰὼ ἰὼ δῶμα δῶμα καὶ πρόμοι,

411ἰὼ λέχος καὶ στίβοι φιλάνορες.

412πάρεστι σιγὰς ἀτίμους ἀλοιδόρους

413ἄλγιστ᾽ ἀφημένων ἰδεῖν.

414πόθῳ δ᾽ ὑπερποντίας

415φάσμα δόξει δόμων ἀνάσσειν.

416εὐμόρφων δὲ κολοσσῶν

417ἔχθεται χάρις ἀνδρί:

418ὀμμάτων δ᾽ ἐν ἀχηνίαις

419ἔρρει πᾶσ᾽ Ἀφροδίτα.

Antistrophe 2

ΧΟΡΟΣ

420ὀνειρόφαντοι δὲ πενθήμονες

421πάρεισι δόξαι φέρου-

422σαι χάριν ματαίαν.

423μάταν γάρ, εὖτ᾽ ἂν ἐσθλά τις δοκῶν ὁρᾷ,

424παραλλάξασα διὰ χερῶν,

425βέβακεν ὄψις οὐ μεθύστερον

426πτεροῖς ὀπαδοῦσ᾽ ὕπνου κελεύθοις.”

427τὰ μὲν κατ᾽ οἴκους ἐφ᾽ ἑστίας ἄχη

428τάδ᾽ ἐστὶ καὶ τῶνδ᾽ ὑπερβατώτερα.

429τὸ πᾶν δ᾽ ἀφ᾽ Ἕλλανος αἴας συνορμένοις

430πένθεια τλησικάρδιος

431δόμων ἑκάστου πρέπει.

432πολλὰ γοῦν θιγγάνει πρὸς ἧπαρ:

433οὓς μὲν γάρ <τισ> ἔπεμψεν

434οἶδεν, ἀντὶ δὲ φωτῶν

435τεύχη καὶ σποδὸς εἰς ἑκά-

436στου δόμους ἀφικνεῖται.

Strophe 3

ΧΟΡΟΣ

437ὁ χρυσαμοιβὸς δ᾽ Ἄρης σωμάτων

438καὶ ταλαντοῦχος ἐν μάχῃ δορὸς

440πυρωθὲν ἐξ Ἰλίου

441φίλοισι πέμπει βραχὺ

442ψῆγμα δυσδάκρυτον ἀν-

443τήνορος σποδοῦ γεμί-

444ζων λέβητας εὐθέτους.

445στένουσι δ᾽ εὖ λέγοντες ἄν-

446δρα τὸν μὲν ὡς μάχης ἴδρις,

447τὸν δ᾽ ἐν φοναῖς καλῶς πεσόντ᾽

448ἀλλοτρίας διαὶ γυναι-

449κός: τὰ δὲ σῖγά τις βαΰ-

450ζει: φθονερὸν δ᾽ ὑπ᾽ ἄλγος ἕρ-

451πει προδίκοις Ἀτρείδαις.

452οἱ δ᾽ αὐτοῦ περὶ τεῖχος

453θήκας Ἰλιάδος γᾶς

454εὔμορφοι κατέχουσιν: ἐ-

455χθρὰ δ᾽ ἔχοντας ἔκρυψεν.

Antistrophe 3

ΧΟΡΟΣ

456βαρεῖα δ᾽ ἀστῶν φάτις ξὺν κότῳ:

457δημοκράντου δ᾽ ἀρᾶς τίνει χρέος.

458μένει δ᾽ ἀκοῦσαί τί μου

460μέριμνα νυκτηρεφές.

461τῶν πολυκτόνων γὰρ οὐκ

462ἄσκοποι θεοί. κελαι-

463ναὶ δ᾽ Ἐρινύες χρόνῳ

464τυχηρὸν ὄντ᾽ ἄνευ δίκας

465παλιντυχεῖ τριβᾷ βίου

466τιθεῖσ᾽ ἀμαυρόν, ἐν δ᾽ ἀί-

467στοις τελέθοντος οὔτις ἀλ-

468κά: τὸ δ᾽ ὑπερκόπως κλύειν

469εὖ βαρύ: βάλλεται γὰρ ὄσ-

470σοις Διόθεν κεραυνός.

471κρίνω δ᾽ ἄφθονον ὄλβον:

472μήτ᾽ εἴην πτολιπόρθης

473μήτ᾽ οὖν αὐτὸς ἁλοὺς ὑπ᾽ ἄλ-

474λων βίον κατίδοιμι.

Epode 7

ΧΟΡΟΣ

475πυρὸς δ᾽ ὑπ᾽ εὐαγγέλου

476πόλιν διήκει θοὰ

477βάξις: εἰ δ᾽ ἐτήτυμος,

478τίς οἶδεν, ἤ τι θεῖόν ἐστί πῃ ψύθος.—

479τίς ὧδε παιδνὸς ἢ φρενῶν κεκομμένος,

480φλογὸς παραγγέλμασιν

481νέοις πυρωθέντα καρδίαν ἔπειτ᾽

482ἀλλαγᾷ λόγου καμεῖν;—

483[ἐν] γυναικὸς αἰχμᾷ πρέπει

484πρὸ τοῦ φανέντος χάριν ξυναινέσαι.—

485πιθανὸς ἄγαν ὁ θῆλυς ὅρος ἐπινέμεται

486τ…