Ἀγαμέμνων

Strophe 1

ΧΟΡΟΣ

104κύριός εἰμι θροεῖν ὅδιον κράτος αἴσιον ἀνδρῶν

105ἐκτελέων: ἔτι γὰρ θεόθεν καταπνεύει

106πειθοῖ μολπᾶν

107ἀλκὰν σύμφυτος αἰών:

108ὅπως Ἀχαιῶν

109δίθρονον κράτος, Ἑλλάδος ἥβας

110ξύμφρονε ταγώ,

111πέμπει σὺν δορὶ καὶ χερὶ πράκτορι

112θούριος ὄρνις Τευκρίδ᾽ ἐπ᾽ αἶαν,

113οἰωνῶν βασιλεὺς βασιλεῦσι νε-

115ῶν ὁ κελαινός, ὅ τ᾽ ἐξόπιν ἀργᾶς,

116φανέντες ἴκταρ μελάθρων

117χερὸς ἐκ δοριπάλτου

118παμπρέπτοις ἐν ἕδραισι,

119βοσκόμενοι λαγίναν, ἐρικύμονα φέρματα, γένναν,

120βλαβέντα λοισθίων δρόμων.

121αἴλινον αἴλινον εἰπέ, τὸ δ᾽ εὖ νικάτω.

Antistrophe 1

ΧΟΡΟΣ

122κεδνὸς δὲ στρατόμαντις ἰδὼν δύο λήμασιν ἴσους

123Ἀτρεΐδας μαχίμους ἐδάη λαγοδαίτας

124πομπούς τ᾽ ἀρχάς:

125οὕτω δ᾽ εἶπε τερᾴζων:

126“ʽχρόνῳ μὲν ἀγρεῖ

127Πριάμου πόλιν ἅδε κέλευθος,

128πάντα δὲ πύργων

129κτήνη †πρόσθε τὰ δημιοπληθῆ

130Μοῖρ᾽ ἀλαπάξει πρὸς τὸ βίαιον:

131οἶον μή τις ἄγα θεόθεν κνεφά-

132σῃ προτυπὲν στόμιον μέγα Τροίας

133στρατωθέν. οἴκτῳ γὰρ ἐπί-

135φθονος Ἄρτεμις ἁγνὰ

136πτανοῖσιν κυσὶ πατρὸς

137αὐτότοκον πρὸ λόχου μογερὰν πτάκα θυομένοισι:

138στυγεῖ δὲ δεῖπνον αἰετῶν.”

139αἴλινον αἴλινον εἰπέ, τὸ δ᾽ εὖ νικάτω.

Epode 3

ΧΟΡΟΣ

140“τόσον περ εὔφρων, καλά,

141δρόσοισι λεπτοῖς μαλερῶν λεόντων

142πάντων τ᾽ ἀγρονόμων φιλομάστοις

143θηρῶν ὀβρικάλοισι τερπνά,

144τούτων αἴνει ξύμβολα κρᾶναι,

145δεξιὰ μέν, κατάμομφα δὲ φάσματα [στρουθῶν].

146ἰήιον δὲ καλέω Παιᾶνα,

147μή τινας ἀντιπνόους

148Δαναοῖς χρονίας ἐχενῇδας

150ἀπλοίας τεύξῃ,

151σπευδομένα θυσίαν ἑτέραν ἄνομόν τιν᾽, ἄδαιτον

152νεικέων τέκτονα σύμφυτον,

153οὐ δεισήνορα. μίμνει γὰρ φοβερὰ παλίνορτος

155οἰκονόμος δολία μνάμων μῆνις τεκνόποινος.

156τοιάδε Κάλχας ξὺν μεγάλοις ἀγαθοῖς ἀπέκλαγξεν

157μόρσιμ᾽ ἀπ᾽ ὀρνίθων ὁδίων οἴκοις βασιλείοις:

158τοῖς δ᾽ ὁμόφωνον

159αἴλινον αἴλινον εἰπέ, τὸ δ᾽ εὖ νικάτω.

Strophe 2

ΧΟΡΟΣ

160Ζεύς, ὅστις ποτ᾽ ἐστίν, εἰ τόδ᾽ αὐ-

161τῷ φίλον κεκλημένῳ,

162τοῦτό νιν προσεννέπω.

163οὐκ ἔχω προσεικάσαι

164πάντ᾽ ἐπισταθμώμενος

165πλὴν Διός, εἰ τὸ μάταν

166ἀπὸ φροντίδος ἄχθος

167χρὴ βαλεῖν ἐτητύμως.

Antistrophe 2

ΧΟΡΟΣ

168οὐδ᾽ ὅστις πάροιθεν ἦν μέγας,

169παμμάχῳ θράσει βρύων,

170οὐδὲ λέξεται πρὶν ὤν:

171ὃς δ᾽ ἔπειτ᾽ ἔφυ, τρια-

172κτῆρος οἴχεται τυχών.

173Ζῆνα δέ τις προφρόνως

174ἐπινίκια κλάζων

175τεύξεται φρενῶν τὸ πᾶν:

Strophe 3

ΧΟΡΟΣ

176τὸν φρονεῖν βροτοὺς ὁδώ-

177σαντα, τὸν πάθει μάθος

178θέντα κυρίως ἔχειν.

179στάζει δ᾽ ἔν θ᾽ ὕπνῳ πρὸ καρδίας

180μνησιπήμων πόνος: καὶ παρ᾽ ἄ-

181κοντας ἦλθε σωφρονεῖν.

182δαιμόνων δέ που χάρις βίαιος

183σέλμα σεμνὸν ἡμένων.

Antistrophe 3

ΧΟΡΟΣ

184καὶ τόθ᾽ ἡγεμὼν ὁ πρέ-

185σβυς νεῶν Ἀχαιικῶν,

186μάντιν οὔτινα ψέγων,

187ἐμπαίοις τύχαισι συμπνέων,

188εὖτ᾽ ἀπλοίᾳ κεναγγεῖ βαρύ-

189νοντ᾽ Ἀχαιικὸς λεώς,

190Χαλκίδος πέραν ἔχων παλιρρό-

191χθοις ἐν Αὐλίδος τόποις:

Strophe 4

ΧΟΡΟΣ

192πνοαὶ δ᾽ ἀπὸ Στρυμόνος μολοῦσαι

193κακόσχολοι, νήστιδες, δύσορμοι,

194βροτῶν ἄλαι,

195νεῶν <τε> καὶ πεισμάτων ἀφειδεῖς,

196παλιμμήκη χρόνον τιθεῖσαι

197τρίβῳ κατέξαινον ἄνθος Ἀργους.

198ἐπεὶ δὲ καὶ πικροῦ

199χείματος ἄλλο μῆχαρ

200βριθύτερον πρόμοισιν

201μάντις ἔκλαγξεν προφέρων Ἄρτεμιν, ὥστε χθόνα βά-

202κτροις ἐπικρούσαντας Ἀτρείδας δάκρυ μὴ κατασχεῖν:

Antistrophe 4

ΧΟΡΟΣ

205ἄναξ δ᾽ ὁ πρέσβυς τότ᾽ εἶπε φωνῶν:

206“βαρεῖα μὲν κὴρ τὸ μὴ πιθέσθαι,

207βαρεῖα δ᾽, εἰ

208τέκνον δαΐξω, δόμων ἄγαλμα,

209μιαίνων παρθενοσφάγοισι

210ῥείθροις πατρῴους χέρας πρὸ βωμοῦ.

211τί τῶνδ᾽ ἄνευ κακῶν,

212πῶς λιπόναυς γένωμαι

213ξυμμαχίας ἁμαρτών;

214παυσανέμου γὰρ θυσίας παρθενίου θ᾽ αἵματος ὀρ-

215γᾷ περιόργῳ σφ᾽ ἐπιθυμεῖν θέμις. εὖ γὰρ εἴη.”

Strophe 5

ΧΟΡΟΣ

216ἐπεὶ δ᾽ ἀνάγκας ἔδυ λέπαδνον

217φρενὸς πνέων δυσσεβῆ τροπαίαν

220ἄναγνον, ἀνίερον, τόθεν

221τὸ παντότολμον φρονεῖν μετέγνω.

222βροτοὺς θρασύνει γὰρ…

223τ…